Galaxy S26 កំពុងតែអង្រួនទីផ្សារមិនទាន់បានផង ឥឡូវស្រាប់តែបែកធ្លាយតម្លៃ កំពូលស្មាតហ្វូនស៊េរីថ្មី Samsung Galaxy S27 ថាឡើងថ្លៃ។ Galaxy S27 ដែលត្រៀមចេញលក់ដើមឆ្នាំ ២០២៧ ខាងមុខចន្លោះខែមករា ឬកុម្ភៈ ពេលនេះស្រាប់តែមានដំណឹងបែកធ្លាយពីតម្លៃ ម៉ូដែលត្រៀម ចេញសំញ៉ែង បំបាក់បណ្ដាដៃគូប្រកួតប្រជែងរបស់ខ្លួន ក្នុងតម្លៃខ្ពស់ ហើយ Specs និងបច្ចេកវិទ្យា វិញក៏កប់មិនធម្មតាដែរ។ តើថ្លៃប៉ុន្មាន? មាន Options និងជម្រើសបែបណាខ្លះ?
មុនឈានទៅដល់តម្លៃ S27 នៅទីផ្សារកូរ៉េខាងត្បូង Galaxy S26 មានតម្លៃ
- 1,299.99 USD សម្រាប់ RAM 12GB និងStorage 256GB និង 1,499.99 USD សម្រាប់ 512GB។
- ដោយឡែក S27 បើតាម PhoneArena ចេញផ្សាយបានបញ្ជាក់ថា ឡើងថ្លៃ ១០០ ដុល្លារអាមេរិក ឬ តម្លៃ 256GB ចាប់ពី 1,399.99 ដុល្លារអាមេរិក និង 1,599.99 USD សម្រាប់ 512GB និង 1TB តម្លៃល្បាក់ ឬល្អៀងតិចតួច រង្វង់ ២ពាន់ដុល្លារអាមេរិកឯណេះ។
គ្នាយើងមានអាមេរម្មណ៍ថា មិនត្រឹមតែ iPhone ទេ ដែលឡើងថ្លៃ ប៉ុន្តែ Samsung ក៏ឡើងដែរ មិនមែនចេញស៊េរីថ្មីទៅ តម្លៃធូរជាងស៊េរិចាស់ទៅនោះទេ។ តើមកពីមូលហេតុអ្វី មានក្រុមហ៊ុនឡើងថ្លៃដូច្នេះ?
S27 ជាកំពូលស្មាតវៃ របស់ Samsung នាពេលខាងមុខ ដើម្បីចេញតតាំងជាមួយ iPhone, Google Pixel, Huawei ឬ Xaomi ដែលកំពុងវិវត្តខ្លួនយ៉ាងសកម្ម និងសម្បើម មកក្រឡុកទីផ្សារ Smartphone នាពេលបច្ចុប្បន្ន ជាពិសេស ដែលផ្ដោតសំខាន់លើ កាមេរ៉ា ហ្សូមបាន រាប់រយ x បច្ចេកវិទ្យា AI និងអេក្រង់ បត់។
Galaxy S27 អាចនឹងកែប្រែការឌីហ្សាញផ្នែកខាងក្រៅ ពិសេសស៊េរី Ultra ប្រហែលជាបំពាក់កាមេរ៉ាបញ្ឈរ ទម្ងន់រាងធ្ងន់ជាងមុន ដើម្បីពង្រីកបច្ចេកវិទ្យា និងថ្មឲ្យកាន់តែធំដែរ។
ប្រភពមួយផ្សេងទៀតគឺ Phonefuturist ក៏បានចេញផ្សាយដែរថា Galaxy S27 តម្លៃអាចហក់ឡើងច្រើន ឬចាប់ពី 1,499USD ថ្លៃលើស PhoneArena បញ្ជាក់ខាងលើងថា ប្រហែល 1,399.99USD សម្រាប់Storage ទាបបំផុត 256GB។
តើ S27 ថ្លៃអត់ប៉ុណ្ណឹងនៅលើទីផ្សារកូរ៉េ? ចុះទម្រាំមកដល់ខ្មែរ តើអាចឡើងដល់ប៉ុណ្ណាទៅ?
ប្រភព៖ phonearena
