តើអ្នកធ្លាប់មានអារម្មណ៍ថា ភាពបរាជ័យគឺជាផ្លូវទាល់ដែរឬទេ? ការពិតទៅ ភាពបរាជ័យមិនមែនជាចំណុចបញ្ចប់នោះទេ ប៉ុន្តែវាគឺជា «មេរៀន»។ យោងតាមអត្ថបទមួយរបស់សារព័ត៌មាន The Medium នេះគឺមេរៀនទាំង៤ យ៉ាងដែលអ្នកអាចប្រើនិងប្រែក្លាយការបរាជ័យ ទៅជាជ័យជម្នះដ៏អស្ចារ្យ។
មេរៀនទីមួយ៖ ត្រូវមានទំនួលខុសត្រូវទាំងស្រុងលើភាពបរាជ័យរបស់អ្នក។ កុំបន្ទោសអ្នកដទៃ ឬកាលៈទេសៈ។ នៅពេលអ្នកទទួលស្គាល់ថាអ្នកជាអ្នកទទួលខុសត្រូវ អ្នកនឹងមានអំណាចក្នុងការកែប្រែស្ថានភាព។ មេរៀនទីពីរ៖ ការវិភាគរកមូលហេតុពិតប្រាកដ។ ចូរអង្គុយចុះ ហើយសួរខ្លួនឯងថា តើកន្លែងណាដែលខ្ញុំធ្វើខុស? ការយល់ដឹងពីចំណុចខ្សោយ គឺការចាប់ផ្តើមនៃភាពខ្លាំង។
មេរៀនទីបី៖ ត្រូវចេះកែសម្រួលផែនការរបស់អ្នក។ បរាជ័យមិនមែនមានន័យថាត្រូវបោះបង់គោលដៅនោះទេ ប៉ុន្តែគឺត្រូវផ្លាស់ប្តូរវិធីសាស្ត្រទៅដល់គោលដៅ។ និងមេរៀនទីបួន៖ ការរក្សាភាពធន់។ ការជោគជ័យទាមទារពេលវេលា។ សូម្បីតែមនុស្សដែលជោគជ័យបំផុត ក៏ធ្លាប់ឆ្លងកាត់ការបរាជ័យរាប់មិនអស់ដែរ។ អ្វីដែលធ្វើឱ្យពួកគេខុសប្លែក គឺពួកគេមិនព្រមចុះចាញ់ និងនៅតែបន្តដំណើរទៅមុខ។
ដូច្នេះ បើថ្ងៃនេះអ្នកកំពុងជួបបញ្ហា សូមចាំថា វាមិនមែនជាការបញ្ចប់ទេ តែជាការចាប់ផ្តើមនៃកំណែថ្មីដែលល្អជាងមុន។ ចូរទទួលខុសត្រូវ រៀនសូត្រ កែសម្រួល ហើយបន្តទៅមុខទៀត៕
ដោយ៖ ចាន់ តារា
ប្រភព៖ Indeed
