ក្នុងរយៈពេល ២ ឆ្នាំចុងក្រោយនេះ អ្នករត់ប្រណាំងមកពីគ្រប់ទិសទីក្នុងប្រទេសកម្ពុជា បានរួមគ្នាគាំទ្រមន្ទីរពេទ្យកុមារអង្គរ តាមរយៈការចូលរួមក្នុងកម្មវិធី Ultra Trail Angkor។ កាលពីឆ្នាំមុន យុទ្ធនាការនេះប្រមូលបានថវិកាដ៏អស្ចារ្យរហូតដល់ជាង ២ម៉ឺនដុល្លារ (២០,១៦៨ ដុល្លារ)អាមេរិក។

សម្រាប់ខែមករា ឆ្នាំ២០២៦ នេះ កម្មវិធីនេះនឹងបន្តបេសកកម្មនេះម្តងទៀត។ លោក ស ម៉ូរី ជាអ្នករត់ម្នាក់ក្នុងចំណោម​អ្នករត់ជាង២០០នាក់ដែលបានចុះឈ្មោះបានបង្ហាញមោទនភាពដែលបានក្លាយជាអ្នករត់ម្នាក់ក្នុងកម្មវិធីនេះ ហើយលោកជាម្នាក់ក្នុងចំណោម៦០នាក់នឹងត្រូវរត់ក្នុងចម្ងាយឆ្ងាយ ១០០ គីឡូម៉ែត្រ។ លោក ចូល​រួម​ក្នុង​កម្មវិធី​នេះ​ដើម្បីកៀងគរ​ថវិកាសម្រាប់​មន្ទីរពេទ្យ​កុមារអង្គរ​។

កាលបរិច្ឆេទ និងគោលដៅ៖

• វិញ្ញាសារ៖ រត់ចម្ងាយឆ្ងាយ ១០០ គីឡូម៉ែត្រ (មាន​រយៈចម្ងាយ​ខ្លីៗជាងនេះទៀតដោយ​ខ្លីបំផុត​៨គ.ម)។
• កម្មវិធី៖ Ultra-Trail d'Angkor ក្នុងខេត្តសៀមរាប។
• កាលបរិច្ឆេទ៖ ថ្ងៃទី២៤ ខែមករា ឆ្នាំ២០២៦។

ហេតុអ្វីបានជាការចូលរួមរបស់អ្នកសំខាន់?

រាល់ការគាំទ្រ និងការបរិច្ចាគរបស់លោកអ្នក ទោះជា ១ ដុល្លារ ឬ ២ ដុល្លារក្តី គឺជាក្តីសង្ឃឹមសម្រាប់កុមារដែលកំពុងសម្រាកព្យាបាល៖

• ផ្តល់លទ្ធភាពទទួលបានសេវាព្យាបាល ដែលមានសារៈសំខាន់បំផុតសម្រាប់ជីវិតកុមារ។
• គាំទ្រដល់ក្រុមគ្រូពេទ្យជំនាញ ដើម្បីបន្តសង្គ្រោះជីវិត។
• ផ្តល់ឱកាសឱ្យកុមារកម្ពុជា ទទួលបានសុខភាពមាំមួន និងអនាគតដ៏ភ្លឺស្វាង។

«តោះ! រត់ជាមួយយើង បរិច្ចាគ ឬជួយចែកចាយបន្ត» ដើម្បីឱ្យយុទ្ធនាការឆ្នាំនេះកាន់តែធំ និងជួយកុមារបានកាន់តែច្រើន។