៥ តិចនិកសម្រាប់ស្រ្តីមេផ្ទះដើម្បីមានពេលវេលាសម្រាប់ខ្លួន
- 2026-01-29 06:27:10
- ចំនួនមតិ 0 | ចំនួនចែករំលែក 0
ចន្លោះមិនឃើញ
ការងារមេផ្ទះជាការងារគ្មានថ្ងៃបញ្ចប់ បើមិនចេះរកតិកនិកដកឃ្លាទេម៉ាក់ៗនឹងមានអារម្មណ៍ថាហត់នឿយទាំងកាយនិងចិត្ត។ ដើម្បីឱ្យយើងមានពេលសម្រាប់សម្រាក ឬថែរក្សាសម្រស់ខ្លះ នេះគឺជាតិកនិកចាត់ចែងពេលវេលាដែលស្រ្តីមេផ្ទះសម័យថ្មីគួរអនុវត្ត។
ពាណិជ្ជកម្ម
១. កំណត់ការងារអាទិភាព
កុំព្យាយាមធ្វើឱ្យអ្វីៗគ្រប់យ៉ាងឲ្យល្អឥតខ្ចោះនៅគ្រប់ពេលទាំងអស់។
- អ្វីដែលសំខាន់បំផុត៖ ផ្ដោតលើការងារណាដែលផ្តល់ផលប្រយោជន៍ខ្លាំងដល់គ្រួសារដូចជា អាហារសុខភាព និងការងូតទឹកឱ្យកូន។
- អ្វីដែលមិនសូវសំខាន់៖ ការរៀបចំខ្នើយឱ្យមានជួរត្រង់ភ្លឹង ឬការបោសផ្ទះ៤ទៅ៥ដងក្នុងមួយថ្ងៃ អាចកាត់បន្ថយមកត្រឹម ១ឬ២ដងក្នុងមួយថ្ងៃវិញ។ បើផ្ទះរញ៉េរញ៉ៃបន្តិច ក៏មិនមែនជាបញ្ហាធំដែរ បើវាដោះដូរមកវិញនូវការសម្រាករបស់យើងបានខ្លះ។
២. ប្រើប្រាស់វិធីសាស្ត្រ«ចម្អិនម្តង ញ៉ាំបានច្រើនពេល»
ការគិតថា «តើថ្ងៃនេះស្លអ្វី? និងការដើរផ្សាររាល់ថ្ងៃ ស៊ីពេលរបស់យើងច្រើនណាស់។
- រៀបចំបញ្ជីមុខម្ហូបប្រចាំសប្តាហ៍៖ ចំណាយពេលថ្ងៃចុងសប្តាហ៍ទិញអីវ៉ាន់ឱ្យហើយ។
- ចម្អិនទុក៖ យើងអាចធ្វើទឹកគ្រឿង ស្លកកូរ ឬខ ដែលអាចទុកញ៉ាំបាន ២-៣ ពេល ឬរៀបចំឈុតបន្លែដែលហាន់រួចដាក់ប្រអប់។ ពេលដល់ម៉ោងស្ល យើងចំណាយពេលត្រឹម ១៥-២០ នាទីប៉ុណ្ណោះ។
៣. បង្កើតម៉ោងពិសេស
នេះគឺជាពេលវេលាដែលគ្មានអ្នកណាមកហៅ «ម៉ាក់ៗ! ម៉ាក់ៗ!» ដាក់យើង។
- ក្រោកមុនកូន ៣០ នាទី៖ ដើម្បីផឹកកាហ្វេដោយស្ងប់ស្ងាត់ ហាត់ប្រាណតិចៗ ឬអានសៀវភៅ។
- ម៉ោងកូនគេងថ្ងៃ៖ កុំប្រញាប់ទៅបោកខោអាវភ្លាម។ ចំណាយពេល ១៥នាទីដំបូងដើម្បីបិទភ្នែកសម្រាក ឬបិតម៉ាស់មុខ។ ការងារផ្ទះអាចរង់ចាំបាន ប៉ុន្តែសុខភាពផ្លូវចិត្តអ្នកមិនអាចរង់ចាំបានទេ។
៤. បណ្តុះទម្លាប់ម្ចាស់ការដល់សមាជិកគ្រួសារ
យើងមិនមែនជាកូនឈ្នួលក្នុងផ្ទះទេ ប៉ុន្តែគឺជាអ្នកចាត់ចែងក្នុងគ្រួសារ។
- បង្រៀនកូនៗ៖ ឱ្យពួកគេចេះទុកដាក់ប្រដាប់ក្មេងលេងដោយខ្លួនឯង ឬជួយជូតតុក្រោយញ៉ាំបាយ។
- បែងចែកភារកិច្ចជាមួយស្វាមី៖ ពិភាក្សាជាមួយគាត់ដោយប្រើសម្តីផ្អែមល្ហែមថា យើងត្រូវការឱ្យគាត់ជួយលាង ចាន ឬមើលកូននៅពេលល្ងាច ដើម្បីឱ្យយើងមានពេលងូតទឹកឱ្យបានយូរ និងស្បើយភាពតានតឹង។
៥. កំណត់ម៉ោងបញ្ចប់ការងារ
ការងារផ្ទះគឺធ្វើមិនចេះចប់ទេ បើយើងនៅតែបន្តធ្វើវាធ្វើនោះ។ កំណត់ថាបន្ទាប់ពីម៉ោង៨ឬ៩យប់ យើងត្រូវឈប់កាន់អំបោស ឬក្រណាត់ជូត។ នោះគឺជាពេលវេលាដែលយើងត្រូវលាបឡេ ស្ដាប់តន្ត្រី ឬជជែកលេងជាមួយស្វាមី។ ការកំណត់ពេលបញ្ចប់ច្បាស់លាស់ ជួយឱ្យខួរក្បាលរបស់យើងដឹងថាដល់ពេលសម្រាកហើយ។
ការសម្រាកមិនមែនជាភាពខ្ជិលច្រអូសទេ ប៉ុន្តែវាគឺជាការបញ្ចូលថ្មបន្ថែមដើម្បីឱ្យយើងអាចធ្វើជាម្តាយ និងជាភរិយាដ៏ល្អម្នាក់ប្រកបដោយស្នាមញញឹម។
ប្រភព៖ Personal Pivots / The Darling Academy
ពាណិជ្ជកម្ម
អត្ថបទពេញនិយម
អត្ថបទថ្មី
