កត្តាមួយចំនួនអាចធ្វើឲ្យស្រ្តីប្រឈមជំងឺទឹកនោមផ្អែមពេលពពោះ
- 2025-12-18 00:19:00
- ចំនួនមតិ 0 | ចំនួនចែករំលែក 0
ចន្លោះមិនឃើញ
ជំងឺទឹកនោមផ្អែមពេលពពោះ កើតឡើងតែអំឡុងពេលស្រ្តីពពោះហើយអាចនឹងបាត់ទៅវិញក្រោយសម្រាល។ នៅសហរដ្ឋអាមេរិកស្រ្តីពពោះ៦នាក់ក្នុងចំណោម១០០នាក់អាចមានជំងឺទឹកនោមផ្អែមប្រភេទនេះ។ ស្រ្តីអាចកើតជំងឺនេះបើទោះបីមិនមានជំងឺទឹកនោមផ្អែមមុនពពោះក៏ដោយ។ ការគ្រប់គ្រងកម្រិតជាតិស្ករក្នុងឈាមបានល្អ គឺចាំបាច់សម្រាប់សុខភាពម្ដាយ និងកួនក្នុងផ្ទៃ។
ពាណិជ្ជកម្ម
ការពពោះ និងកម្រិតជាតិស្ករខ្ពស់
នៅពេលយើងញ៉ាំអាហារ រាងកាយបានបំបែកកាបូអ៊ីដ្រាតពីអាហារទៅជាស្ករដែលគេហៅថាគ្លុយកូស ហើយស្ករប្រភេទនេះក៏ចូលទៅក្នុងចរន្តឈាម។ បន្ទាប់មកស្ករនេះ ក៏ធ្វើដំណើរទៅកាន់កោសិកាក្នុងរាងកាយដើម្បីបង្កើតជាថាមពល។ លំពែង ជាសរីរាង្គមួយបង្កើតអាំងស៊ុយលីន ដែលជួយនាំស្ករចូលទៅក្នុងកោសិកា និងធ្វើឲ្យកម្រិតជាតិស្ករក្នុងឈាមចុះទាប។
ពេលពពោះ សុកបញ្ចេញអ័រម៉ូនជួយឲ្យកូនក្នុងផ្ទៃលូតលាស់។ អ័រម៉ូនទាំងនេះធ្វើឲ្យរាងកាយពិបាកប្រើប្រាស់អាំងស៊ុយលីន។ ការណ៍នេះគេហៅថាធន់នឹងអាំងស៊ុយលីន។
ដើម្បីរក្សាលំនឹងជាតិស្ករក្នុងឈាម លំពែងត្រូវផលិតអាំងស៊ុយលីនច្រើនជាងធម្មតារហូតដល់បីដង។ បើសិនជាលំពែងមិនអាចផលិតអាំងស៊យលីនបានគ្រប់គ្រាន់ទេ កម្រិតជាតិស្ករក្នុងឈាមនឹងកើនឡើង ដែលនាំឲ្យស្រ្តីពពោះនឹងមានជំងឺទឹកនោមផ្អែម។
កត្តាមួយចំនួនអាចនាំឲ្យស្រ្តីពពោះមានជំងឺទឹកនោមផ្អែម
ស្រ្តីមានបញ្ហាលើសទម្ងន់តាំងពីមុនពេលពពោះ ព្រោះថាទម្ងន់ខ្លួនកាន់តែធ្ងន់នឹងធ្វើឲ្យរាងកាយពិបាកប្រើប្រាស់អាំងស៊ុយលីន។
- ស្រ្តីឡើងទម្ងន់លឿនពេលកំពុងពពោះ
- មានឪពុកម្ដាយ ឬបងប្អូនកើតជំងឺទឹកនោមផ្អែមប្រភេទ២
- មានកម្រិតជាតិស្ករខ្ពស់ តែមិនទាន់ចូលដល់ដំណាក់កាលជំងឺទឹកនោមផ្អែម
- ធ្លាប់មានជំងឺទឹកនោមផ្អែមពេលពពោះម្ដងហើយ។
ជំងឺទឹកនោមផ្អែមពេលពពោះច្រើនកើនលើស្រ្តីពពោះនៅត្រីមាសទី៣។ យ៉ាងណា បើសិនជាយើងជាស្រ្តីដែលប្រឈមនឹងជំងឺមួយនេះ គ្រូពេទ្យអាចនឹងណែនាំឲ្យធ្វើតេស្តនៅចុងត្រីមាសទី១ និងអាចធ្វើម្ដងទៀតនៅសប្ដាហ៍ទី២៤ទៅ២៨ ហើយបើសិនជាដំណាក់កាលនេះលទ្ធផលអវិជ្ជមាន គ្រូពេទ្យនឹងមិនតម្រូវឲ្យយើងធ្វើតេស្តទៀតនោះទេ។
ប្រភព៖ NHS
ពាណិជ្ជកម្ម
អត្ថបទពេញនិយម
អត្ថបទថ្មី
