ប្រភេទអាហារគួរញ៉ាំពេលអាកាសធាតុចុះត្រជាក់
- 2025-11-24 02:26:33
- ចំនួនមតិ 0 | ចំនួនចែករំលែក 0
ចន្លោះមិនឃើញ
ពេលរដូវរងា ឬក្នុងពេលអាកាសធាតុត្រជាក់ រាងកាយយើងត្រូវការកាឡូរីច្រើនដើម្បីគាំទ្រដល់ដំណើរការរាងកាយ ដើម្បីរក្សារាងកាយឲ្យមានកម្ដៅល្អ។ ដូចនេះហើយការជ្រើសរើសអាហារសម្រាប់ញ៉ាំបានត្រឹមត្រូវក្នុងពេលអាកាសធាតុចុះត្រជាក់ជារឿងសំខាន់សម្រាប់សុខភាព។ ខាងក្រោមនេះជាប្រភេទអាហារគួរញ៉ាំ។
បន្លែស្លឹកបៃតង៖ បន្លែប្រភេទនេះជាប្រភពនៃវីតាមីនផ្សេងៗដូចជាវីតាមីន C វីតាមីន K និងវីតាមីន A ជាដើម។ វីតាមីនទាំងនេះជួយពង្រឹងប្រព័ន្ធភាពស៊ាំ ជួយដល់កំណកឈាម និងជួយសុខភាពភ្នែក។ ពពួកបន្លែមើម៖ ពពួកបន្លែមើមដូចជាការ៉ុត ឬឆៃថាវជាដើម សម្បូរទៅដោយសារជាតិចិញ្ចឹម និងវីតាមីនល្អៗ មានប្រយោជន៍ចំពោះរាងកាយ ដោយជួយពង្រឹងប្រព័ន្ធភាពស៊ាំ និងការពារយើងពីជំងឺផ្ដាសាយ។
ពាណិជ្ជកម្ម
អាហារសម្បូរវីតាមីន D៖ អាហារសម្បូរវីតាមីន D ក៏ល្អសម្រាប់សុខភាពដែរដោយជួយកាត់បន្ថយការរលាក និងការពាររាងកាយពីការឆ្លងមេរោគផ្សេងៗ។ អាហារសម្បូរវីតាមីន D មានដូចជាទឹកដោះគោបន្ថែមវីតាមីន D ស៊ុត និងផ្សិតជាដើម។
ស៊ុបមានជាតិប្រៃតិច៖ ក្រៅពីបន្ថែមជាតិទឹកដល់រាងកាយ ស៊ុបក៏ជាអាហារដែលសម្បូរដោយបន្លែចម្រុះ និងសាច់ ដែលអ្វីទាំងនេះផ្ទុកទៅដោយវីតាមីន និងសារជាតិចិញ្ចឹមជាច្រើនជួយពង្រឹងសុខភាពរាងកាយ។
ក្រូច៖ ក្រូចសម្បូរដោយវីតាមីន C ដែលវីតាមីននេះមានគុណប្រយោជន៍ដល់រាងកាយ ពិសេសនៅពេលអាកាសធាតុចុះត្រជាក់ ក្នុងការជួយឲ្យប្រព័ន្ធការពាររាងកាយរឹងមាំ។
ប្រភព៖ HCG Network
ពាណិជ្ជកម្ម
អត្ថបទពេញនិយម
អត្ថបទថ្មី
