ហេតុអ្វីត្រូវគេងឲ្យបានគ្រប់គ្រាន់? គួរគេងប៉ុន្មានម៉ោងល្អ?
- 2025-12-10 23:36:55
- ចំនួនមតិ 0 | ចំនួនចែករំលែក 0
ចន្លោះមិនឃើញ
ពេលគេងលក់ទាំងរាងកាយ ទាំងខួរក្បាល មានពេលជួសជុលខ្លួនឯង និងធ្វើការងារចាំបាច់មួយចំនួនដូចជាសម្អាតកាកសំណល់ចេញពីរាងកាយ និងបញ្ចេញអ័រម៉ូនជាដើម។
គេងបានគ្រប់គ្រាន់ល្អសម្រាប់សុខភាពទូទៅ។ ជាក់ស្ដែងយើងត្រូវការគេងដើម្បីរស់រានមានជីវិត ដូចទៅនឹងការញ៉ាំអាហារ និងទឹកដែរ។ ដូចនេះ គឺគ្មានអ្វីគួរឲ្យឆ្ងល់ទេដែលយើងត្រូវចំណាយពេលប្រហែល១ភាគ៣នៃជីវិតសម្រាប់តែការគេង។
ពាណិជ្ជកម្ម
ដំណើរការជីវសាស្រ្តមួយចំនួនបានកើតឡើងពេលយើងគេងលក់៖
- ខួរក្បាលស្តុកទុកព័ត៌មានថ្មីៗ និងបំផ្លាញសារធាតុពុលផ្សេងៗ
- កោសិកាប្រសាទបង្កើតទំនាក់ទំនង និងរៀបចំឡើងវិញ ដែលជួយឲ្យខួរក្បាលមានដំណើរការល្អ
- រាងកាយជួសជុលកោសិកា បង្កើនថាមពលឡើងវិញ និងបញ្ចេញអ័រម៉ូន និងប្រូតេអ៊ីន
ដំណើរការជីវសាស្រ្តនេះមានសារសំខាន់សម្រាប់សុខភាពទូទៅ បើសិនមិនមានដំណើរការនេះរាងកាយរបស់យើងមិនអាចដំណើរការបានល្អនោះទេ។
តើយើងគួរគេងប៉ុន្មានម៉ោងក្នុងមួយថ្ងៃ?
បើតាមការណែនាំរបស់ CDC អាមេរិករយៈពេលនៃការគេងគឺអាស្រ័យទៅតាមអាយុ និងអាចខុសគ្នាពីមនុស្សម្នាក់ទៅម្នាក់ផងដែរ។
- កូនទើបកើតដល់អាយុ៣ខែ៖ ១៤ទៅ១៧ម៉ោង
- អាយុ៤ខែទៅ១២ខែ៖ ១២ទៅ១៦ម៉ោង
- ១ឆ្នាំទៅ២ឆ្នាំ៖ ១១ទៅ១៤ម៉ោង
- ៣ឆ្នាំទៅ៥ឆ្នាំ៖ ១០ទៅ១៣ម៉ោង
- ៦ឆ្នាំទៅ១២ឆ្នាំ៖ ៩ទៅ១២ម៉ោង
- ១៣ឆ្នាំទៅ១៨ឆ្នាំ៖ ៨ទៅ១០ម៉ោង
- ១៨ឆ្នាំទៅ៦០ឆ្នាំ៖ ៧ម៉ោងឡើង
- ៦១ឆ្នាំទៅ៦៥ឆ្នាំ៖ ៧ទៅ៩ម៉ោង
- ៦៥ឆ្នាំឡើង៖ ៧ទៅ៨ម៉ោង។
ប្រភព៖ CDC
ពាណិជ្ជកម្ម
អត្ថបទពេញនិយម
អត្ថបទថ្មី
