ផ្កាសាយធំអាចបង្កឲ្យកុមារតួចមានបញ្ហារលាកសួត
- 2025-12-22 07:08:40
- ចំនួនមតិ 0 | ចំនួនចែករំលែក 0
ចន្លោះមិនឃើញ
កុមារតួចអាយុក្រោមប្រាំឆ្នាំ អាចប្រឈមនឹងការរលាកសួតទៀតបើកើតជំងឺផ្កាសាយធំ ខណៈជំងឺផ្កាសាយធម្មតាអាចនឹងបាត់ទៅវិញដោយខ្លួនឯង។
វេជ្ជបណ្ឌិតឯកទេសរោគកុមារលើកឡើងថាជំងឺផ្កាសាយធម្មតាកើតលើកុមារតូចអាចមានអាការៈដូចជាក្អក កណ្ដាស់ និងហៀរសំបោរតិចតួច ហើយអាចនឹងបាត់ទៅវិញដោយខ្លួនឯង។
ចំពោះផ្ដាសាយធំវិញអាចមានអាការៈដូចជាក្ដៅខ្លួន ក្អក កណ្ដាស់ និងហៀរសំបោរខ្លាំង ព្រមជាមួយការឈឺចាប់សាច់ដុំ ឈឺក្បាល អស់កម្លាំងល្ហិតល្ហៃជាដើម។
ពាណិជ្ជកម្ម
ជាទូទៅជំងឺផ្ដាសាយធំកើតមនុស្សធំមានសុខភាពល្អ អាចធូរស្រាលវិញដោយគ្រាន់តែចំណាយពេលយូរបន្តិច ប៉ុន្តែក្នុងករណីជំងឺនេះកើតលើកុមារមានអាយុក្រោមប្រាំឆ្នាំនិងមនុស្សចំណាស់មានអាយុលើសពី៦០ឬ៦៥ឆ្នាំអាចមានសភាពធ្ងន់ធរ ឬអាចមានបញ្ហារលាកសួតផងដែរ។
ដើម្បីបង្ការជំងឺផ្ដាសាយឪពុកម្ដាយគួរនាំកូនដែលមានអាយុលើសពីប្រាំមួយខែទៅចាក់វ៉ាក់សាំងបង្ការជំងឺផ្ដាសាយ។ វ៉ាក់សាំងការពារផ្ដាសាយអាចចាក់លើក្មេងដែលមានអាយុ៦ខែឡើងទៅ។ ជាទូទៅយើងអាចចាក់ពីរដង គម្លាតពីចាក់លើកទី១ទៅលើកទី២មានរយៈពេលបួនអាទិត្យ បន្ទាប់មកយើងអាចចាក់រំឭករៀងរាល់មួយឆ្នាំម្ដងដើម្បីឲ្យកូនមានប្រព័ន្ធភាពស៊ាំការពារខ្លួនបានពេញមួយឆ្នាំ។
អ្នកជំណាញណែនាំដែរថាបើសិនជាកូនមានអាការៈផ្ដាសាយធំ ឪពុកម្ដាយគួរនាំកូនទៅជួបគ្រូពេទ្យដើម្បីបានទទួលការពិនិត្យ និងព្យាបាលបានត្រឹមត្រូវ។
ប្រភព៖ Johns Hopkins Medicine
ពាណិជ្ជកម្ម
អត្ថបទពេញនិយម
អត្ថបទថ្មី
